Тыдзень беларускай мовы і культуры
03.04.2023З 20 па 25 сакавіка каледж жыў у шалёным тэмпе. Ладзіўся тыдзень беларускай мовы і культуры, і трэба было паспець і на заняткі, і на розныя мерапрыемствы. Было цікава і пазнавальна. Кожны дзень навучэнцаў і выкладчыкаў чакала будзь-якое мерапрыемства:
Панядзелак адкрыў акцыю "Сэлфі па-беларуску" (акцыя дзейнічала цягам тыдня, прымала і рэдагавала здымкі Юлія Васільеўна Жук).
У аўторак Генадзь Васільевіч Кулінковіч праводзіў майстар-клас па гісторыка-бытавых танцах, якія калісьці былі модныя на нашых землях (бранлі, контрданс, сарабанда).
У сераду Вольга Анатольеўна Сямашка вучыла ўсіх рабіць бразготкі з гліны.
Чарговы дзень – чарговае мерапрыемства. Віталія Уладзіміраўна Глаз ладзіла віртуальную экскурсію па сядзібе Гутэн-Чапскіх, што ў Прылуках.
Пятніца адзначылася віктарынай пад кіраўніцтвам Ю.В. Жук "Я люблю Беларусь".
Завяршыўся тыдзень суботай і – наведваннем Нацыянальнага акадэмічнага тэатра імя Янкі Купалы (спектакль " Паўлінка").
Жук Ю.В., арганізатар мерапрыемства