Вiншуем удзельнiкаў конкурсу

Віншуем Валерыю Гілеўскую, навучэнку ІІІ курса напрамку спецыяльнасці “Харэаграфічнае мастацтва (народны танец)”, і Паліну Жукаву, навучэнку ІІ курса напрамку спецыяльнасці “Інструментальнае выканальніцтва (фартэпіяна)”, з нагоды атрымання заахвочвальных прызоў за ўдзел у конкурсе да 110-годдзя зборніка вершаў Максіма Багдановіча “Вянок”.

Конкурс “Ах словы, чароўныя словы…” праходзіў па намінацыях: “Паэзія”, “Проза”, “Пераклад”, “Крытыка”. Ладзіў яго Літаратурны музей Максіма Багдановіча.

Нашы дзяўчаты ўдзельнічалі ў намінацыі “Вершы”. Вось іх цудоўныя творы:

Прыйдзе вясна?

Валерыя ГІЛЕЎСКАЯ, (выкладчык Ю.В.Жук, ЦК “Агульнаадукацыйныя прадметы”)

Я самотны, не маю кнігі. я бяздольны, схаваю рукі. Не маю зроку: глядзеў на сонца, яно мне асляпіла вочы. Не пачуе песень паэт, матылёк сканаў пад вішняй. І калі на гэты свет нарадзіцца зноў санет, калі ткачыхі звар’яцеюць і выткуць зоркі на дыван, калі не вып’е хтосьці чаркі ніяк да дна, ніяк да дна. Калі ад зоркі Марс убачым мы шлях у краіну забыцця, тады спатканне і прызначым на вуліцы. Прыйдзе вясна.

Паэту

Мабыць, формы не мае мой верш, Які складзены з простых слоў. Я пiшу без усялякіх меж, Шчыра кажучы, без умоў. Верш пра творцу дасылаю, Яго “Вянок” мяне натхніў. Гэтыя радкі я прысвячаю, У падзяку за тое, што ён зрабіў. Яго называюць “паэтам красы”, “Госцем з высокага неба”. У вершах – уначы шумяць каласы, Ззяе месяц маркотны, нібы са срэбра. Ён заклікае да прыгажосці, Адзін аднаго паважаць. Вучыць любіць, быць шчырым, Жыццё сваё не марнаваць. Гэты паэт узбагаціў наш розум і мову. Максім Багдановіч. Пра яго ідзе размова. З-пад яго пяра песняй ліецца санет, трыялет. Зорка Венера асвятляе ўвесь белы свет.

Паліна ЖУКАВА, (выкладчык Ю.В.Жук, ЦК “Агульнаадукацыйныя прадметы”)

Да таго ж віншуем Валерыю ГІЛЕЎСКУЮ з новым поспехам –
публiкацыяй як таленавітай паэткi ў часопісе “Маладосць”.
Шчырыя апладысменты, Лера, і – зычанні поспехаў і новых вяршынь!

Гл.: часопіс "Маладосць" №7 (2023), с.18-19

ЦК "Агульнаадукацыйныя прадметы"